Bu il Azərbaycana idxal edilən minik avtomobillərinin sayında azalma baş verir.

Sfera.az xatırladır ki, ötən ilin birinci yarısında 36 741 ədəd minik avtomobili idxal olunduğu halda, cari ilin eyni dövründə 32 382 ədəd minik avtomobili idxal edilib.

2022-ci ildə minik avtomobillərinin idxalının azalması yeni gömrük idxal rüsumlarının tətbiqi ilə bağlıdır. Cari ildən benzin və dizel mühərikli avtomobillərin idxal xərcləri artırılıb, hibrid avtomobillərin isə idxal xərcləri azaldılıb.

Buna görə də bu il hibrid və elektrik avtomobillərinə tələb artdığı halda, digərlərinə tələb azalıb.

Bu hal idxal edilən minik avtomobillərində də özünü göstərir. Belə ki, idxal edilən hibrid avtomobillərin sayı 1 340 ədəd artaraq 6 218 ədədə, elektrik avtomobillərin sayı 117 ədəd artaraq 153 ədədə yüksəldiyi halda, digər avtomobillərin idxal sayı 31 827 ədəddən 26 011 ədədə qədər azalıb. Benzin, dizel və sıxılmış maye qazla çalışan avtomobillərin sayında 18 faizdən çox azalma qeydə alınıb.

Vasif
Sfera.az