Dollar bütün valyutalara qarşı bahalaşır

13:30 / 24.02.2022
1400
Ukrayna ətrafında baş verən gərginlik fonunda ABŞ dollarının bahalaşması müşahidə edilir.
Sfera.az xəbər verir ki, dolların bahalaşması Azərbaycanla böyük ticarət dövriyyəsi olan ölkələrin milli valyutalarına münasibətdə də görünür.
Dünən bir avro 1,135 dollar olduğu halda bu gün 1,12 dollara düşüb.
Son iki gündə rubl və türk lirəsi dollara nəzərən daha çox dəyər itirib. Dollar/rubl kursu 78-dən 87-yə qədər yüksəlib. Dollar/lirə məzənnəsi isə 13,6-dan 14,17 həddinə qədər artıb.
Dolların sürətlə bahalaşması hərbi qarşıdurma ilə əlaqədar iqtisadi risklərin artması və Rusiyanın davranışlarına ABŞ-ın gözlənilən cavabı ilə bağlıdır.
İqtisadi risklər artdıqda dollarla ifadə edilən aktivlər öz dəyərini digər valyutalarda olan aktivlərə nisbətən daha çox qoruya bidiyindən bu valyutada yığımlar artır. Bununla yanaşı yüksək inflyasiya şəraitində ABŞ mərkəzi bankının dolları bahalaşdırmağa hazırlaşdığı da məlumdur.
Hər iki amilin təsiri ilə dollarda bahalaşma aydın sezilir. Ehtimal etmək olar ki, bu şərtlər daxilində dünyanın aparıcı valyutasında bahalaşma hələ bir müddət davam edəcək.
Vasif
Sfera.az