Dollara tələb yüksəlib
İqtisadiyyat
14:59 / 25.01.2022
830
2022-ci ilin yanvar 6-dan 25-nə kimi keçirilən valyuta hərraclarının ümumi nəticəsi göstərir ki, ilk ayda dollara tələb yüksəkdir.
Sfera.az bildirir ki, geridə qalan müddətdə 6 valyuta hərracı keçirilib və bu hərraclarda ümumilikdə 642,7 milyon dollar dəyərində xarici valyuta satılıb. Hərraclarda satılan dolların məbləği orta hesabla 100 milyondan çox olub.
Ayın sonuna qədər daha bir hərracın keçirilməsi ehtimalı var. Əgər bir hərrac da keçirilərsə, yanvarda dollar satışının həcmi 700 milyonu ötəcək.
Xatırladaq ki, 2021-ci ilin ilk ayında hərraclarda 645 milyon dollar satılmışdı, amma sonrakı aylarda azalma baş vermişdi.
2022-ci ildə hərraclarda 7,476 milyard dollar satılmalıdır. Satılması nəzərdə tutulan vəsaitin orta məbləği 623 milyon dollardır. İlk ayda orta məbləğdən çox dollar satılıb.
Vasif
Sfera.az
