Almaniya “Şimal axını 2” layihəsindən imtina edir – Səbəblər

 

Sfera.az "Lenta.ru” saytına istinadən xəbər verir ki, alman nazir ZDF telekanalına müsahibəsində imtinanın nə ilə əlaqəli olduğunu açıqlayıb.

Xarici işlər naziri izah edib ki, Almaniyanın yeni hakim koalisiyası "Şimal axını 2” kimi layihəsinin də Avropanın enerji qanunvericiliyinə uyğun olması ilə bağlı razılığa gəlib. O bildirib ki, qaz kəmərinin sertifikatlaşdırılmasında əsas kimi Aİ-nin normaları götürüləcək. Onun sözlərinə görə, yeni qaz kəməri Aİ-nin normalarına uyğun gəlmədiyi üçün layihəni dəstəkləməkdən imtina ediblər. "Yeni qaz kəmərinin təhlükəsizlik məsələləri tam həllini tapmayıb”, - söyləyən Berbok layihənin hansı parametrlərinin Aİ-nin tələblərinə cavab vermədiyini dəqiq açıqlamayıb.

"Financial Times” nəşri isə bildirir ki, Almaniya "Şimal axını 2”də tutduğu mövqeyə görə çıxılmaz vəziyyətə düşüb. Dekabrın 10-da "Financial Times” öz mənbələrinə istinadən yazıb ki, Almaniyanın yeni kansleri Olaf Şolsun administrasiyası "Şimal axını 2”ni dayandıra bilər. Bu, Rusiyanın Ukraynaya hərbi müdaxiləsi halında baş verəcək.

 

Eyni zamanda qeyd olunur ki, ümumilikdə yeni kanslerin administrasiyası qaz kəmərinin işə salınmasını dəstəkləyir. Almaniyanın İqtisadiyyat Nazirliyi vurğulayıb ki, "Şimal axını 2” sertifikatlaşdırmaya qədər işə salınmayacaq. Yeni alman hökuməti sertifikatlaşdırma qərarına Ukraynanın şərqindəki vəziyyətin təsir edib-etməyəcəyinə dair sualları cavablandırmır.