Azərbaycandan xaricə kapital axını 25 faiz artıb
İqtisadiyyat
13:04 / 09.12.2021
627
Bu il neft-qaz sektoru üzrə Azərbaycandan xaricə kapital axını 25 faizdən çox artıb.
Sfera.az rəsmi məlumatlara istinadən bildirir ki, 2021-ci ilin yanvar-sentyabr ayları ərzində neft-qaz sektoru üzrə kapital axını 4,268 milyard dolları ötüb. Keçən ilin 9 ayında kapital axını 3,4 milyard dollar təşkil edirdi. Müqayisə etdikdə görürük ki, bu il kapital axını 868 milyon dollar və ya 25,5 faiz artıb.
Xaricə göndərilən vəsaitin həcmi birbaşa investisiya şəklində cəlb edilən məbləğdən (3,085 milyard dollar) çox olub. Buna görə də ilk 9 ayda tədiyə balansında neft-qaz sektoruna birbaşa investisiyalar üzrə mənfi saldo yaranıb. Mənfi saldonun məbləği 1,183 milyard dollar təşkil edib.
Vasif
Sfera.az
