Sentyabrda tərəvəzlər 13,5 %, yumurta 7,3 % BAHALAŞIB
Kateqoriya məlum deyil
Dövlət Statistika Komitəsi 2021-ci ilin sentyabrında əsas ərzaq məhsulları üzrə qiymət dəyişikliyini açıqlayıb.
Sfera.az Komitəyə istinadən bildirir ki, bir ay ərzində ən çox bahalaşma tərəvəz məhsullarında və yumurtada qeydə alınıb. Bir ayda tərəvəz məhsullarının qiyməti 13,5 faiz artıb. Tərəvəzlərdən daha çox pomidor, göy lobya, badımcan, bibər, kələm, xiyar, kartof, soğan və sarımsaq bahalaşıb.
Yumurtanın qiymətində artım sürəti isə 7,3 faiz olub.
Ay ərzində bu ərzaq məhsullarından başqa çay, qəhvə, kakao 2,1 faiz, çörək, çörək məmulatları və yarmalar 1,8 faiz, balıq və balıq məhsulları 1,3 faiz bahalaşıb.
Sentyabrda meyvələr 0,2 faiz ucuzlaşıb.
Vasif
Sfera.az
