“Azərbaycanın neft gəlirlərində artım var” – Vüqar Bayramov

Sfera.az bildirir ki, bunu iqtisadçı deputat Vüqar Bayramov deyib.  Millət vəkil qeyd edib ki, neft istehlakında xüsusi payı olan ölkələrdə neftə tələbin artması qiymətlərə də təsirsiz ötüşmür:

"Çin ötən ay gündəlik 10.5 milyon barel neft idxal edib. Bu isə əvvəlki aya nisbətən 8 faiz çoxdur. Hindistan da daxil olmaqla, digər idxalçı ölkələrdə də neftə tələbin artması qeydə alınır. 

 

"Bloomberg” agentliyinin məlumatına görə, dünyada 5.56 milyard dollar peyvənd dozası istifadə edilib. Gündəlik 37.3 milyon doza peyvəndləşmə həyata keçirilir. Bütövlükdə, dünya əhalisinin 36.2 faizi artıq vaksinasiya olunub. Qlobal peyvəndləşmə səviyyəsinin yüksəlməsi də neftə tələbin artmasına təsir göstərir”.

V.Bayramovun sözlərinə görə, neftin dünya bazar qiymətinin yüksəlməsi enerji məhsulları ixrac edən ölkələrin və eləcə də, Azərbaycanın valyuta gəlirlərini artırır:

"Belə ki, bu ilin ilk yarısında əvvəlki ilin uyğun dövrü ilə müqayisədə Azərbaycan neft ixracatı həcmini azaltsa da, satışdan əldə edilən gəlirlərdə artımlar qeydə alınıb. Sözügedən dövrdə ölkəmiz 5 milyard 743 milyon dollar dəyərində 13 milyon 545 min  ton xam neft ixrac edilib. Xam neft ixracının həcmi 11,7% azalsa da əldə edilən vəsait 404 milyon 137 min dollar və ya 7,6% artıb. Qeyd edim ki, Azərbaycanda gündəlik xam neft hasilatının gələn aydan daha 7 min barrel artıraraq 640 min barrelə çatdıracaq.

 

 

Günay Rəsulqızı