Bu il şirkətlərin iflası artacaq – Səbəb
Kateqoriya məlum deyil
"Dun & Bradstreet” tərəfindən hazırlanan "Qlobal İflas Hesabatı”na görə pandemiyaya baxmayaraq ötən il dünyada şirkət iflaslarının sayı 15 faiz azalıb.
Sfera.az bildirir ki, analitik şirkət 36 ölkənin iflas göstəricilərini təhlil edib. Hesabata əsasən, dünyada 2019-cü ildə 215 min şirkət iflas olduğu halda, pandemiya dövründə 183 min şirkət müflisləşib.
"Dun & Bradstreet” hesab edir ki, iflasların sayının azalması dövlətin iqtisadiyyata və şirkətlərə verdiyi dəstəklə bağlıdır. Buna görə də analitik şirkət bu il və gələn il iflas edən şirkətlərin sayının artacağını proqnozlaşdırır.
Araşdırma nəticəsində o da məlum olub ki, pandemiyanın yaratdığı şokdan ən çox zərəri kiçik və orta sahibkarlıq subyektləri görüb.Vasif
