Bu il ölkəmizə 80 min avtomobil idxal ediləcək

Sfera.az rəsmi məlumatlara istinadən xəbər verir ki, birinci rüblə müqayisədə ilin ikinci rübündə avtomobil idxalında artım qeydə alınıb.

Birinci rübdə Azərbaycana 15539 ədəd avtomobil idxal edilmişdi. İkinci rübdə idxal sayı 8,6 min və ya 55,4 faiz artaraq 24104-ə yüksəlib. Ortaaylıq idxal birinci rübdə 5179 ədəd olduğu halda, ikinci rübdə 8034 ədədə yüksəlib.

Əgər mövcud idxal dinamikası qalarsa, ilin yekununda ölkəmizə avtomobil idxalının sayı 80 min ədədə çatacaq və idxala xərclənən pul 800 milyon dollar səviyyəsində olacaq.

Avtomobil idxalındakı artım əsasən minik avtomobillərinin idxalının artması hesabına baş verir. İlin birinci yarısında idxal edilən avtomobillərin 36741 ədədi, yəni 92,7 faizi minik avtomobili olub. Minik avtomobillərinin idxalına 345,4 milyon dollar xərclənib. Mövcud dinamika ilə ilin yekununda minik avtomobillərinin idxal sayı 70 min ədədi ötəcək.

Vasif

Sfera.az