Bu il Azərbaycanda 1,4 mln ton neft emal edildi
Kateqoriya məlum deyil
Bu ilin yanvar-mart ayları ərzində Azərbaycanda neft emalı 1,4 milyon ton təşkil edib.
Sfera.az xəbər verir ki, bu barədə Energetika Nazirliyinin bu ilin üç ayında ölkədə neft-qaz hasilatı ilə bağlı hazırladığı operativ məlumatlarda qeyd olunub.
Məlumata görə, neft emalı ötən ilin müvafiq dövrünə nisbətən 93 min ton az olub.
Xatırladaq ki, SOCAR-ın Heydər Əliyev adına Neft Emalı Zavodu regionun yeganə neftayırma kompleksidir və Azərbaycanın yanacağa olan tələbatının əsas hissəsini təmin edir. Zavodda 15 adda neft məhsulu, o cümlədən avtomobil benzini, təyyarə yanacağı, dizel yanacağı, mazut, neft koksu və s. istehsal olunur.
1953-cü ildə əsası qoyulan SOCAR-ın Heydər Əliyev adına Neft Emalı Zavodunda hazırda modernizasiya və yenidənqurma layihəsinin 2-ci və 3-cü mərhələləri həyata keçirilir.
