Buğda bahalaşmağa davam edir
2021-ci ilin fevral ayında buğdanın 1 tonunun dünya bazarı qiyməti əvvəlki ay ilə müqayisədə 1,22% artaraq 240,8 ABŞ dolları səviyyəsində qərarlaşıb.
Sfera.az Aqrar Tədqiqatlar Mərkəzinin hazırladığı icmala istinadən bildirir ki, Rusiyadan ixrac edilən buğdanın qiymətində son 1 il ərzində qeydə alınan qeyri-müəyyənlik 2020-ci ilin sentyabr ayından artım ilə əvəz olunub. 2021-ci ilin fevralında 1 ton buğdanın ixrac qiyməti əvvəlki aya nisbətən 0,07% artaraq 284 dollar səviyyəsində qərarlaşıb.
Rusiyanın daxili bazarında buğdanın qiymətində də 2020-ci ilin sentyabrından etibarən qeydə alınan artım trendi 2021-ci ilin yanvarında azalma ilə əvəzlənib. 2021-ci ilin fevralında 1 ton buğdanın qiyməti əvvəlki aya nisbətən 4,64% azalaraq 211,8 dollar olub.
Rusiyada daxili bazarda buğdanın qiyməti azalsa da ixrac qiyməti artıb. Fevralda ixrac qiyməti yanvara nisbətən cüzi artaraq 284 dollar təşkil edib. Bu qiymət ötən ilin sonuna nisbətən 24,7 dollar 9,5 faiz yüksəkdir.
2021-ci ilin fevral ayı ərzində Qara dəniz portlarında buğdanın 1 tonunun qiyməti 282 dolları ilə 287 dolları arasında, Azov dənizi portlarında 251 dolları ilə 253 dolları arasında dəyişib.
Vasif
Sfera.az
