“İnfiniti” və “Extra” gecə klublarının rəhbərləri həbs olundu
11:55 / 03.08.2021
1509
Bakının Nərimanov rayonunda "İnfiniti” və "Extra” gecə klublarında epidemiya əleyhinə və karantin rejimlərinin pozulması halları aşkar olunub.
Daxili İşlər Nazirliyi Mətbuat Xidmətindən Sfera.az-a verilən məlumata görə, polis tərəfindən keçirilən tədbirlərlə həmin gecə klublarının rəhbərliyi müəyyən olunaraq saxlanılıb.
DİN-in Baş Mütəşəkkil Cinayətkarlıqla Mübarizə İdarəsində fakta görə Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə cinayət işi başlanılıb.
Hazırda iş üzrə əməliyyat-istintaq tədbirləri davam etdirilir.