AFFA dörd klubu cərimələyib
16:50 / 22.10.2019
1844
AFFA-nın İntizam Komitəsinin iclası keçirilib.
Sfera.az xəbər verir ki, yığıncaqda Azərbaycan Premyer Liqasının VIII turunda baş verənlər müzakirə olunub və 4 klub cərimələnib.
"Qəbələ” – "Qarabağ” matçında meydan sahiblərinin 6 futbolçusu sarı vərəqə ilə cəzalandığı üçün klub 800 manat cərimə olunub.
"Keşlə” – "Sabah” qarşılaşmasında qonaqların legioneri Filip İvanoviç ikinci sarı vərəqə alaraq meydançadan kənarlaşdırıldığı üçün 1 oyunluq diskvalifikasiya edilib, klubunu 200 manat ziyana salıb.
"Səbail” – "Sumqayıt” matçında qonaqların 4 oyunçusu sarı vərəqə ilə cəzalandığı üçün klub 800 manat cərimələnib.
"Neftçi” – "Zirə” oyununda qonaqların 6 futbolçusu sarı vərəqə ilə cəzalandığı üçün qəsəbə təmsilçisi 800 manat cərimə ödəyəcək.
