Avropa Oyunlarına bu karateçilərimiz gedəcək - SİYAHI
Kateqoriya məlum deyil
Bu ilin yayında Belarusun paytaxtı Minskdə keçiriləcək II Avropa Oyunlarına vəsiqə qazanan Azərbaycan karateçilərinin adları açıqlanıb.
Sfera.az oxu.az-a istinadən xəbər verir ki, 21-30 iyun tarixlərində 50 ölkədən 4000-dən artıq idmançının 15 növ üzrə mübarizə aparacağı yarışda altı karateçimiz iştirak edəcək.
Kumite turnirində Azərbaycanı Firdovsi Fərzəliyev (-60 kq), Rafael Ağayev (-75 kq), Asiman Qurbanlı (-84 kq), eləcə də, Nuranə Əliyeva (-50 kq) və İrina Zaretska (-68 kq), kata yarışlarında isə Roman Heydərov təmsil edəcək.
Qeyd edək ki, II Avropa Oyunlarının karate yarışları 29-30 iyun tarixlərində Minskin Çijovka-Arena kompleksində keçiriləcək.
Onu da bildirək ki, daha əvvəl saytımız Avropa Oyunlarında iştirakı gözlənilən idmançıların adlarını reytinqə əsasən açıqlamışdı.
