Şok iddia: Məşhur futbolçu oğurlanıb

Argentinalı futbolçu Emiliano Salanın içində olduğu və qalıqları bir neçə gün öncə tapılan təyyarədə bir cəsəd aşkarlanıb.

 

Sfera.az xəbər verir ki, Salanın içində olduğu və qalıqları tapılan təyyarədə bir cəsədin olması şayilərə yol açıb. İngiltərə mətbuatı iddia edir ki, futbolçunun cəsədi təyyarədə yoxdur.

 

Təyyarənin düşdüyü radiusu axtaran xüsusi qrup hər hansı bir cəsədə rast gəlməyib.

 

İngiltərə Hava Qəzaları Araşdırma İdarəsi tərəfindən yayılan açıqlamada təyyarənin qalıqlarının uzaqdan idarə olunan bir su altı vasitəsilə görüntüləndiyi  bildirilərək, bundan sonrakı addımların qəzaya uğrayanların ailələri və polislə keçiriləcək danışıqlardan sonra qərara alınacağı vurğulanıb. Bu açıqlama mətbuatın şübhələrini daha da artırıb. Mətbuat iddia edir ki, futbolçu oğurlanıb. Mətbuat iddia edir ki, futbolçu özü ilə külli miqdarda pul aparırmış.

 

Qeyd edək ki, Fransanın "Nant” klubundan 20 milyon avroya İngiltərə Premyer Liqasında çıxış edən Uelsin "Kardiff Siti” klubuna keçən Salanı aparan təyyarə yanvarın 22-də radardan itib. Polis itkin düşənlərin axtarışını dayandıraraq, onların sağ qalma ehtimalının olmadığını açıqlayandan sonra təyyarənin tapılması üçün Salanı sevənlər könüllü şəkildə pul toplayıblar.