\"Liverpul\" \"Mançester Yunayted\"i məğlub etdi
22:29 / 16.12.2018
4858
İngiltərə Premyer Liqasında 17-ci tura yekun vurulub.
Turun son oyununda "Liverpul" doğma meydanda "Mançester Yunayted"i qəbul edib. İlk hissədə hərəyə 1 dəfə fərqlənən komandalar fasiləyə bərabərliklə yollanıblar. İkinci yarıda Cerdan Şakirinin dublu mersisaydlılara 3:1 hesablı qələbə qazandırıb.
Qeyd edək ki, bu qələbədən sonra xallarının sayını 45-ə yüksəldən "Liverpul" yenidən zirvədəki yerinə qayıdıb. Əsas rəqibindən 1 xal az toplayan "Mançester Siti" 2-ci pillədədir. "Tottenhem" 39 xalla 3-cü, "Çelsi" isə 37 xalla 4-cüdür. 34 xalı olan "Arsenal" 5-ci pillədə qərarlaşıb.
İngiltərə Premyer Liqası, 17-ci tur
16 dekabr
"Liverpul" - "Mançester Yunayted" - 3:1
Qollar: Sadio Mane, 24 (1:0), Cessi Linqard, 33 (1:1), Cerdan Şakiri, 73 (2:1), 80 (3:1)
qol.az
