"Liverpul", PSJ və "Tottenhem" 1/8 finalda, "Qalatasaray" Avropa Liqasında
Bu gün Çempionlar Liqasında qrup mərhələsinə yekun vurulacaq.
6-cı turda artıq 2 oyun keçirilib. İlk matçlardan biri Türkiyədə olub. Burada "Qalatasaray" "Portu"nu qəbul edib. "Sarı-qırmızılar" rəqibinə 2:3 hesabı ilə uduzsalar da, mübarizəni Avropa Liqasında davam etidrəcəklər. "Lokomotiv"in səfərdə "Şalke"yə 0:1 hesablı məğlubiyyəti türklərə qitənin ikinci dərəcəli turnirində oyanamaq hüququ qazandırıb.
A qrupunda "Borussiya" (Dortmund) və "Atletiko" 1/8 finala, "Brügge" isə Avroliqaya vəsiqəni əvvəlcədən təmin etdiyindən buradakı oyunlar heç nəyi dəyişməyib.
"Barselona"nın mərhələni keçdiyi B qrupudnda isə "Tottenhem" və Milan "İnter"i 2-ci yerin sahibi kimi pley-offa yüksəlməyə çalışırdı. "İnter" PSV, "Tottenhem" isə Kataloniya səfərində "Barsa" ilə 1:1 oynadığından London klubu 2-ci yerin sahibi kimi adını pley-offa yazdırıb.
Nəhayət C qrupunda "Srvena Zvezda" PSJ-ni, "Liverpul" isə "Napoli"ni qəbul edib. Bu qrupda "Srvena Zvezda"dan başqa digər 3 klubun növbəti mərhələyə yüksəlmək şansı var idi. Rəqiblərini məğlub edən PSJ və "Liverpul" müvafiq olaraq 1 və 2-ci pillənin sahibi kimi növbəti mərhələyə adlayıb.
Qeyd edək ki, Çempionlar Liqasında qrup mərhələsinə bu gün yekun vurulacaq.
11 Dekabr
Çempionlar Liqası, 6-cı tur
A qrupu
00:00. "Monako" (Fransa) - "Borussiya" (Dortmund, Almaniya) - 0:2
Qollar: Rafael Gerreyro, 15 (0:1), 88 (0:2)
00:00. "Brügge" (Belçika) - "Atletiko" (Madrid, İspaniya) - 0:0
B qrupu
00:00. "İnter" (İtaliya) - PSV (Eyndhoven, Hollandiya) - 1:1
Qollar: İrvinq Lozano, 13 (0:1), Mauro İkardi, 73 (1:1)
00:00. "Barselona" (İspaniya) - "Tottenhem" (İngiltərə) - 1:1
Qollar: Usman Dembele, 7 (1:0), Lukas Moura, 85 (1:1)
C qrupu
00:00. "Srvena Zvezda" (Serbiya) - PSJ (Fransa) - 1:4
Qollar: Edinson Kavani, 10 (0:1), Neymar, 40 (0:2), Marko Qobelyiç, 56 (1:2), Markinyoş, 74 (1:3), Kilyan Mbappe, 90+4 (1:4)
00:00. "Liverpul" (İngiltərə) - "Napoli" (İtaliya) - 1:0
Qol: Məhəmməd Salah, 34
D qrupu
21:55. "Qalatasaray" (Türkiyə) - "Portu" (Portuqaliya) - 2:3
Qol: Felipe, 17 (0:1), Mareqa, 42 (0:2), Feqhuli, 45+1-pen.(1:2), Oliveira, 57 (1:3), Eren Derdiyok, 65 (2:3)
21:55. "Şalke" (Almaniya) - "Lokomotiv" (Moskva, Rusiya) - 1:0
Qol: Alessandro Şyopf, 90
12 dekabr
E qrupu
00:00. "Ayaks” (Hollandiya) - "Bavariya” (Almaniya)
00:00. "Benfika” (Portuqaliya) - AEK (Yunanıstan)
F qrupu
00:00. "Mançester Siti” (İngiltərə) - "Hoffenhaym” (Almaniya)
00:00. "Şaxtyor” (Ukrayna) - "Lion” (Fransa)
G qrupu
21:55. "Real" (İspaniya) - SSKA (Moskva, Rusiya)
21:55. "Viktoriya” (Çexiya) - "Roma” (İtaliya)
H qrupu
00:00. "Valensiya” (İspaniya) - "Mançester Yunayted” (İngiltərə)
00:00. "Yanq Boyz” (İsveçrə) - "Yuventus” (İtaliya)
