FHN-nin əməkdaşı dünya ikincisi oldu - FOTO
İdman
14:31 / 02.05.2018
3755
Dövlət başçısının idmana göstərdiyi diqqət və qayğı nəticəsində ölkəmizin idmançıları son illər bütün növ yarışlarda yüksək səviyyədə iştirak edərək möhtəşəm uğurlara imza atırlar.
Bu imzalar içərisində Fövqəladə Hallar Nazirliyinin əməkdaşlarının da adları var. Onlardan biri də Xüsusi Riskli Xilasetmə Xidmətinin əməkdaşı Rüstəm İlham oğlu Müslümovdur. O, bu il mart ayının 13-də keçirilən Şərq Döyüş Növləri Federasiyaları Şurasının, Gənclər və İdman Nazirliyinin razılığı və təşkilatcılıqı ilə "Kempo" döyüş növü üzrə 8 – ci ənənəvi Azərbaycan çempionatında 80 kiloqram çəki dərəcəsində yarışa qatılıb və bütün görüşləri qələbə ilə başa vuraraq iki qat Azərbaycan çempionu olub.
Rüstəm Müslümov 2018-ci il aprel ayının 15-də respublikamızda baş tutan beynəlxalq grappling team turnirinin də qalibi olub və Macarıstanın Budapeşt şəhərində "Kempo" əlbəyaxa döyüş növləri üzrə 15-ci Dünya cempionatına vəsiqə qazanıb. Aprel ayının 28-də dünyanın 67- dən artıq ölkəsinin idmançılarının qatıldığı bu yarışda ölkəmizi layiqincə təmsil edən Rüstəm Müslümov Dünya ikincisi olmaqla gümüş medal qazanıb. Bununla da Rüstəm Müslümov iki qat dünya mükafatçısı olub.
Sfera.az
