Ramzan Kadırov Bakıya gələ bilər - Döyüş olacaq
İdman
19:50 / 17.03.2018
4054
Çeçenistanın "Axmat” klubunun təşkilatçılığı ilə Bakıda döyüş gecəsi keçiriləcək.
Sfera.az bildirir ki, bu barədə Yenicag.az-a döyüşə səhnə olacaq Bakı Olimpiya Stadionun mətbuat xidmətinin rəhbəri Cəmilə Mehdiyeva məlumat verib.
Onun sözlərinə görə, mayın 4-də keçiriləcək döyüşlərdə Azərbaycan, Rusiya, Ukrayna, Braziliya, Qırğızıstan və ABŞ idmançıları mübarizə aparacaq. Gecədə 10 döyüş və 1 superdöyüşün keçirilməsi nəzərdə tutulub.
"Axmat”ın rəhbəri, Çeçenistan respublikasının prezidenti Ramzan Kadırovun yarışa tamaşa etmək üçün Azərbaycana gəlib-gəlməyəcəyi isə hələlik sual altındadır.
Maraq üçün bildirək ki, azərbaycanlı K-1 döyüşçüsü Zabit Səmədov da "Axmat”ın üzvüdür. Cəmilə Sultanova onun yarışda tamaşaçı qismində iştirak edəcəyini bildirib.
