Tayson az qala qaydasız dünya çempionunun burnunu qıracaqmış
İdman
20:35 / 15.03.2018
3978
Qaydasız döyüş həvəskarlarının həvəslə gözləyi "UFC Fight Night 127" turnirindəki əsas döyüş-braziliyalı Fabrisio Verdumla rusiyalı Aleksandr Volkovun görüşü az qala baş tutmayacaqdı.
Sfera.az "TMZ Sports” nəşrinə istinadən xəbər verir ki, bu haqda ikiqat dünya çempionu Verdum özü məlumat verib.
O bildirib ki, "Kikboksyor” filminin çəkilişlərində iştirak edir. Və orada tərəf müqabili boks üzrə keçmiş dünya çempionu Mayk Taysondur:
"Bu inanılmazdır, Mayk az qala burnumu sındıracaqdı. Əlbəttə ikimiz də professional aktyor deyilik. O yaxşı oğlandı, şəndi, amma yaman sərt zərbəsi var”.
Çəkiliş zamanı Taysonun zərbəsi sərt alındığından qaydasız döyüş çempionu az qala nakauta düşəcəkmiş:
"Xoşbəxtlikdən hər şey yaxşı qurtardı. Zərbəni Mayk yox başqası vursa, sakit olmazdım. Axı o Taysondu. Ona görə hər şey qaydasındadı”.
