Bu gün keçiriləcək Azərbaycan-Çexiya oyununda azarkeşlərə futbolçu Rəşad Sadıqovun siması əks olunan maskalar paylanılacaq.

Sfera.az xəbər verir ki, bu barədə futbolçunun İnstaqramdakı fan səhifəsi məlumat yayıb.

Qeyd edək ki, ötən gün keçirilən mətbuat konfransında millimizin kapitanı üçün sürpriz hazırlanıb. Mətbuat konfransında iştirak edən jurnalistlərə Sadıqovun maskası paylanıb. Ancaq UEFA nümayəndələri mətbuat konfransında maskaların taxılmasına icazə vermədiyindən, sürpriz baş tutmayıb.

Rəşad Sadıqov bu gün Azərbaycan millisində sonuncu oyununa çıxacaq. Azərbaycan-Çexiya oyunu saat 20:00-da başlayacaq.

Sfera.az