Qurbanov RƏQİBDƏN DANIŞDI: "Bu vəziyyətlərdə daha təhlükəli olurlar"
İdman
23:13 / 22.07.2025
1529
"Yaxşı və istəkli komandaya qarşı oynayacağıq".
Sfera.az xəbər verir ki, bu sözləri "Qarabağ"ın baş məşqçisi Qurban Qurbanov UEFA Çempionlar Liqasının II təsnifat mərhələsində İrlandiyada "Şelburn"la keçirəcəkləri ilk oyundan əvvəl təşkil olunan mətbuat konfransında deyib.
O, rəqibin keyfiyyətli komanda olduğunu bildirib: "Şelburn"un özünəməxsus oyun üslubu var. Onlar fiziki cəhətdən güclü futbolçulara sahibdirlər. Həmçinin intizamlı komandadır. Bizdən daha erkən mövsümü açdılar. Rəqibin əsas müsbət tərəflərindən biri də hücuma çıxmasıdır. Standart vəziyyətlərdə daha təhlükəli olurlar".
"Tolka Park"da keçiriləcək "Şelburn" - "Qarabağ" görüşü iyulun 23-ü Bakı vaxtı ilə saat 22:45-də başlayacaq.
