UEFA Millətlər Liqası: İlk finalçı bəlli oldu

UEFA Millətlər Liqasında yarımfinal mərhələsinə start verilib.

Sfera.az xəbər verir ki, "Dördlər finalı"nın ilk matçında Almaniya millisi Portuqaliya seçməsini qəbul edib.

Münhendəki "Allianz Arena"da baş tutan qarşılaşmada hesabı meydan sahibləri açsalar da, qonaqlar qalib gəliblər - 1:2.

Virtsin qoluna Konseysao və Ronaldunun dəqiq zərbələri ilə cavab verən pireneylilər finala adlayıblar.

Qeyd edək ki, iyunun 5-də axşam saatlarında digər yarımfinal görüşü keçiriləcək. Ştutqartda İspaniya ilə Fransa üz-üzə gələcək. İyunun 8-də isə üçüncü yer uğrunda matç və final qarşılaşması oynanılacaq.