Dünya çempionatı: Millimiz ilk qələbəsini qazandı
Bakıda təşkil olunan minifutbol üzrə dünya çempionatının daha bir matçı keçirilib.
Sfera.az xəbər verir ki, A qrupunda yer alan Azərbaycan millisi Sloveniya ilə qarşılaşıb.
Milli Gimnastika Arenasında baş tutan görüş yığmamızın 4:0 hesablı qələbəsilə başa çatıb.
Elşad Quliyevin rəhbərlik etdiyi kollektivdə qolları 10-cu dəqiqədə Elvin Əlizadə, 11-ci dəqiqədə Mirmehdi Rzayev, 24-cü dəqiqədə Xətai Bağırov və 40-cı dəqiqədə Kamran Abdullazadə vurub.
Qeyd edək ki, Azərbaycan yığması ilk görüşdə Bəhreylə heç-heçə edib – 1:1. Beləliklə, Elşad Quliyevin baş məşqçi olduğu komanda xallarını 4-ə çatdıraraq, qrup lideri olub. Günün digər matçında Bəhreynə 2:0 hesabı ilə qalib gələn Mavritaniya da eyni xalla 2-ci yerdə gedir. Bəhreyn və Sloveniya isə hərəyə 1 xalla 3-4-cü yerlərdə qərarlaşıb.
