Arda Gülərin ŞOK MƏBLƏĞƏ aldığı 5 mərtəbəli villa - FOTO
İspaniyanın “Real Madrid” klubunda çıxış edən türkiyəli futbolçu Arda Gülər, həm futbol bacarığı, həm də şəxsi həyatı ilə gündəmdən düşmür. Gənc futbolçu bu dəfə İstanbulun elit yaşayış komplekslərindən biri olan "Beykoz Acarkent"dən aldığı 3 milyon dollar (təxminən 116 milyon 579 min TL) dəyərindəki lüks villası ilə diqqətləri üzərinə çəkib.
Sfera.az “tgrthaber.com” saytına istinadən xəbər verir ki, cəmi 20 yaşında olmasına baxmayaraq ciddi maliyyə yatırımları edən Arda Gülər 5 mərtəbəli villanı satın alıb. Villanın sahəsi 1000 kvadratmetrdir.
Futbolçunun aldığı bu mülk, təkcə qiyməti ilə deyil, planlaşdırılan təmiri ilə də səs salıb. Belə ki, Arda Gülər villanı öz zövqünə uyğun şəkildə yenidən təmir etdirmək üçün əlavə olaraq 2 milyon dollar (təxminən 77 milyon 720 min TL) ayırıb. Bildirilir ki, təmir işləri futbolçunun ailəsi və sevgilisi Duru Naymanın zövqü əsasında aparılacaq.
Transfer ehtimalı gündəmdə
Arda Gülərin bu qədər yüksək məbləğli şəxsi yatırımı, onun klubdakı gələcəyi ilə bağlı bəzi sualları da gündəmə gətirib. Mətbuatda yayılan iddialara görə, “Real Madrid” bu tip maliyyə yükünü qarşılamaq üçün gənc futbolçularının bəzilərini satışa çıxara bilər. Satışa çıxarılması mümkün olan oyunçular arasında Arda Gülər, Rodrygo və gənc ulduz Endrickin adları hallanır.
Beləliklə, Arda Gülərin həm idman karyerası, həm də şəxsi həyatı yenidən medianın və ictimaiyyətin diqqət mərkəzindədir.
