Arda Turanın yeni ünvanı bəlli oldu

Trendyol Super Liqa təmsilçisi Eyüpspor-da uğurlu bir mövsüm keçirən Arda Turan üçün sürpriz bir irəliləyiş yaşanıb.

Sfera.az Türkiyə mətbuatına istinadən xəbər verir ki, Ukrayna təmsilçisi Şaxtyor Donetsk rəsmiləri Londonda gənc məşqçi Arda Turanla bir görüş keçiriblər. Xəbərdə bildirilir ki, tərəflər razılaşmaya çox yaxındır.

Eyüpsporu 1-ci Liqadan Super Liqaya yüksəldən Arda Turan bu klubla ümumilikdə 80 oyuna çıxıb, 44 qələbə, 22 məğlubiyyət və 14 heç-heçə əldə edərək, oyun başına 1.83 xal ortalamasına nail olub.

Ukrayna Premyer Liqasında mübarizə aparan Şaxtyor Donetsk, 27 turun sonunda 57 xalla turnir cədvəlində üçüncü yerdə qərarlaşıb. Zirvədə isə 67 xalla Dinamo Kiyev yer alır.