Qurban Qurbanovun təbrik etmədiyi Bəhlul Mustafazadə “Qəbələ”yə keçir? – Klubdan AÇIQLAMA

“Qarabağ”ın baş məşqçisi Qurban Qurbanovun “Sabah”la oyundan sonra futbolçuları çempionluq münasibəti ilə təbrik edərkən Bəhlul Mustafazadə ilə görüşməməsi son günlər ölkə mediasının əsl gündəminə çevrilib. Hətta millimizin üzvü olan futbolçunun klubdan gedəcəyi və yay fasiləsində “Qəbələ”yə icarəyə veriləcəyi barədə xəbərlər dolaşır.
 

Məsələ ilə bağlı “Qarabağ” klubunun rəsmi mövqeyi isə birmənalıdır.
 

Sfera.az  xəbər verir ki, klubun mətbuat katibi Anar Hacıyev Bizim.Media-ya açıqlamasında yayılan xəbərlərin əsassız olduğunu və Bəhlulun heç bir kluba keçməyəcəyini dedi:

“Bəhlulla bağlı yayılan xəbərlər əsassızdır. O, “Qarabağ”ın müqaviləli oyunçusudur və komanda futbolçudan razıdır. Onun 2027-ci ilə qədər “Qarabağ”la müqaviləsi var və Bəhlul bu müddətin sonuna qədər “Qarabağ”da qalacaq. Onun hansısa komandaya icarəyə veriləcəyi də gözlənilmir.”