“Barselona”da CİDDİ İTKİ
İspaniyanın "Barselona" klubunun heyətində ciddi itki baş verib.
Sfera.az xəbər verir ki, bu barədə klubun mətbuat xidməti məlumat yayıb.
La Liqa nəhənginin hücumçusu Robert Levandovski sıradan çıxıb.
Polşalı forvard 3 həftə yaşıl meydanlardan uzaq qalacaq. Levandovski bu müddətdə komandanın vacib oyunlarını buraxmalı olacaq.
36 yaşlı futbolçu İspaniya Kubokunun "Real"la final görüşündə (26 aprel) və "İnter"Çempionlar Liqası yarımfinal mərhələsinin ilk matçında (30 aprel) komandaya kömək edə bilməyəcək.
Qeyd edək ki, "Barselona" Robert Levandovskini 2023-cü ilin yayında "Bavariya"dan transfer edib. Polşa millisinin üzvü bu mövsüm Kataloniya təmsilçisinin heyətində meydana çıxdığı 48 rəsmi matçda 40 qol və 3 məhsuldar ötürmə ilə yadda qalıb.
