Argentina millisi Braziliyanı böyük hesabla məğlub edib
DÇ-2026-nın seçmə mərhələsində Argentina futbol millisi Braziliyanı məğlub edib.
Sfera.az xəbər verir ki, Buenos-Ayresdə baş tutan görüş meydan sahiblərinin 4:1 hesablı qələbəsi ilə yekunlaşıb.
Son dünya çempionlarının heyətində Xulian Alvares (4), Enzo Fernandez (12), Aleksis Makallister (37) və Culiano Simyone (71) fərqlənib. Braziliya millisinin yeganə qolunu Matheus Kunya 26-cı dəqiqədə rəqib qapısından keçirib.
Argentina millisinin futbolçusu Lionel Messi zədə səbəbindən bu oyunda iştirak etməyib.
Qeyd edək ki, 31 xalla turnir cədvəlinin ilk pilləsində yer alan Argentina hələ bu oyundan əvvəl mundialdakı yerini təmin edib. Braziliya isə hazırda 21 xalla dördüncüdür. Seçmə mərhələnin sonunda turnir cədvəlində ilk 6 yeri tutan komandalar dünya çempionatının əsas mərhələsində iştirak etmək hüququ qazanacaqlar.
