Əfsanəvi güləşçi öldü
Rusiyalı güləşçi, üçqat olimpiya çempionu Buvaysar Saytiev 49 yaşında vəfat edib.
Sfera.az xəbər verir ki, bu barədə Rusiya Güləş Federasiyasının prezidenti Mixail Mamiaşvili məlumat verib.
“On dəqiqə əvvəl mənə zəng etdilər və belə bir xəbər çatdırdılar. Qəbul etmək çətindir. Biz sabah birlikdə uçmalı idik”, – TASS Mamiaşvilidən sitat gətirib.
“Mash”ın məlumatına görə, güləşçi təxminən saat 14 radələrində Moskva xəstəxanalarından birində tiryək zəhərlənməsi ilə evdən xəstəxanaya yerləşdirilib. İlkin məlumata görə, güləşçi ağciyər xəstəliyindən əziyyət çəkirmiş. Ağrıları aradan qaldırmaq üçün tərkibində opiatlar olan dərmanlardan istifadə edib. Ölüm intoksikasiya nəticəsində ürək dayanması səbəbindən baş verə bilərdi.
Saytiev 1996, 2004 və 2008-ci illərdə sərbəst güləş üzrə Olimpiya Oyunlarının qalibi olub. Martın 11-də onun 50 yaşı tamam olacaqdı.
