Messi PSJ-dəki günlərini xatırladı: Özümü bədbəxt hiss edirdim
PSJ-nin keçmiş hücumçusu Lionel Messi Paris klubunda keçirdiyi iki ildən sonra “İnter Mayami”yə keçmək fürsətindən məmnun olduğunu açıqlayıb.
Sfera.az xəbər verir ki, argentinalı futbolçu 2021-2023-cü illərdə çıxış etdiyi Fransa nəhəngində xoşbəxt olmadığını bildirib:
“İnter Mayami”yə keçmək mənim üçün əla fürsət idi, xüsusən də Parisdəki illərimin necə keçdiyini nəzərə alsaq. “Barselona”dan ayrılmalı olduğum üçün PSJ-yə transferim çox tez verməli olduğum bir qərar idi.
Bu iki il mənim üçün xoşagəlməz oldu. Hər gün özümü bədbəxt hiss edirdim. Bütün bunlara alışmaqda çətinlik çəkdim. İndi olduğum yeri və nə etdiyimi bəyənirəm. Gündəlik məşqlərimdən, matçlarımdan, dostlarım və ailəmlə münasibətlərimdən həzz alıram. Mən indiki zamanda yaşadığım üçün xoşbəxtəm”.
