Vaxtı bir neçə dəfə dəyişdirilən oyun axır ki, başladı
19:40 / 24.02.2025
15140
Ötən gündən təxirə salınan Azərbaycan Premyer Liqasının XXIV turunun "Zirə" - "Kəpəz" oyunu nəhayət, başlayıb.
Sfera.az xəbər verir ki, baş hakim Rauf Cabbarov start fitini saat 18:59-da səsləndirib.
Xatırladaq ki, "Zirə" - "Kəpəz" matçı ötən gün saat 17:00-da baş tutmalı idi, lakin hava şəraitinə görə bu günə təxirə salınıb. Bu gün isə oyununun başlama saatı iki dəfə dəyişdirilib. Əvvəlcə qarşılaşmanın daha əvvəl elan olunduğu kimi 16:00-da yox, 18:00-da start götürəcəyi elan edilib. Dəyişiklik görüşün keçiriləcəyi Zirə İdman Kompleksinin stadionunun ot örtüyünün qardan tam təmizlənməsi üçün edilib. Daha sonra isə oyunun saat 19:00-da başlanacağı bildirilib.
