Ronaldonun 76 milyon dollarlıq təyyarəsində nasazlıq yarandı - FOTO
Ronaldonun 76 milyon dollarlıq "Bombardier Global Express 6500" adlı təyyarəsinin pəncərəsi çatlayıb.
Sfera.az xəbər verir ki, Portuqaliya millisinin və "Əl-Nəsr"in futbolçusu Kriştiano Ronaldonun şəxsi təyyarəsi nasazlıq səbəbindən Mançesterdəki hava limanında qalıb.
Hava gəmisi tam təmir olunanadək heç bir uçuş edə bilməyəcək. Ronaldonun təyyarədə olub-olmaması hələ ki, bəlli deyil.
Qeyd edək ki, daha əvvəl onun təyyarəsinin Mançester şəhərində göründüyü barədə məlumatlar yayılıb. Bu, "Mançester Yunayted" azarkeşlərinin forvardın kluba qayıdacağına dair fərziyyələrinə yol açıb. Onun Asiya Çempionlar Liqasında "Persepolis"lə matç üçün "Əl-Nəsr"in heyətində yer almaması söz-söhbətləri daha da alovlandırıb.
Xatırladaq ki, Ronaldo 2003-2009, 2021-2022-ci illərdə "qırmızı şeytanlar"ın formasını geyinib.
Firuzə Əliyeva
