“Formula 1” üzrə Azərbaycan Qran-prisinə bilet satışı başladı
“Formula 1” üzrə Azərbaycan Qran Prisinə bilet satışı başlanılıb.
Bu barədə Sfera.az-a Bakı Şəhər Halqasından məlumat verilib.
Azarkeşlər biletləri www.azerbaijangp.com veb səhifəsindən əldə edə bilər. Həmçinin, “Baku City Circuit” mobil tətbiqi üzərindən 20% güzəştlə biletlər almaq mümkündür.
Bu fürsət yalnız fevralın 5-dək davam edəcək.
Bakı Şəhər Halqası Əməliyyat Şirkəti azarkeşlərə 4 günlük biletlər təqdim edir. Hər il olduğu kimi, 3 günlük tribuna biletləri ilə yanaşı, bilet sahibləri Pit zolağı gəzintisi imkanı əldə edərək, komandalarını, pilotları və onların qarajlarını yaxından izləmək təcrübəsi qazanırlar.
Qeyd edək ki, ötən il Pit zolağı gəzintisində iştirakçı sayı rekord sayda olub. Yarış həftəsi ərzində keçiriləcək əyləncə proqramları ilə bağlı məlumatlar mütəmadi olaraq azarkeşlərə təqdim olunacaq.
