Neymar: "Messi və Suarezlə oynamaq inanılmaz olardı"
Səudiyyə Ərəbistanının “Əl Hilal” komandasının braziliyalı hücumçusu Neymar Amerika “İnter Mayami”sində argentinalı Lionel Messi və uruqvaylı Luis Suareslə yenidən birləşmə ehtimalından danışıb.
Sfera.az xəbər verir ki, futbolçular "Barselona"da birlikdə çıxış ediblər.
“Əlbəttə, Messi və Suareslə yenidən birlikdə oynamaq inanılmaz olardı. Onlar mənim dostlarımdır. Bizim üçlüyü yenidən yaratmaq maraqlı olardı. “Əl Hilal”da da, Səudiyyə Ərəbistanında da xoşbəxtəm, amma kim bilir nə ola bilər. Futbol sürprizlərlə doludur. PSJ-dən ayrılacağım məlum olanda ABŞ-də transfer pəncərəsi bağlandı. MLS-ə keçmək şansım yox idi. Səudiyyə Ərəbistanının layihəsi çox yaxşı idi və ən yaxşı variant idi”, - deyə CNN Neymardan sitat gətirib.
Neymarın "Əl Hilal"la müqaviləsi 2025-ci ilin iyun ayınadək nəzərdə tutulub.
İnci
