Bellinqem İspaniya liqasının 72 illik rekordunu təkrarladı

"Real Madrid"in ingilis yarımmüdafiəçisi Cud Bellinqem 72 il əvvəl İspaniya çempionatında əldə olunan tarixi nailiyyəti təkrarlayıb.

Sfera.az xəbər verir ki, bu barədə "Mister Çip" X sosial şəbəkəsində məlumat verib.

Bildirilib ki, La Liqada ardıcıl 6 matçda qol vuran Bellinqem "Blankos"un keçmiş yarımmüdafiəçisi Roke Olsendən sonra hücumçu olmadan belə nəticə göstərən ilk futbolçu olub.

Xatırladaq ki, La Liqanın 17-ci turunda "Rayo Valyekano"ya vurduğu qol (3:3) daxil olmaqla, Bellinqem "Jirona", "Atletik", "Xetafe", "Leqanes" və "Osasuna" ilə görüşlərdə fərqlənib.

Cari mövsümdə Cud klub üçün bütün turnirlərdə 19 matçda 7 qol vurub və 4 məhsuldar ötürmə edib.