Futbolda irqçiliyə qarşı mübarizə son illərdə böyük vüsət alıb və bu cür ayrı-seçkilik xarakterli ritorikaya qarşı sıfır tolerantlıq siyasəti getdikcə daha çox həyata keçirilir. Ancaq zaman-zaman baş verən xoşagəlməz hadisələr idman dünyasının bu mübarizədə nə qədər həssas olması lazım olduğunu bir daha xatırladır. 

Sfera.az bildirir ki, bir müddət öncə "Tottenhem"in uğurlu yarımmüdafiəçisi Rodriqo Bentankur verdiyi açıqlama ilə gündəm olub. Uruqvaylı futbolçu ölkəsində qatıldığı televiziya proqramında komanda yoldaşı Heung-min Sona qarşı dediyi ifadələrə görə ağır cəza alıb.

Rodriqo Bentankur verdiyi uğursuz açıqlamaya görə həm meydançalardan uzaq qalacaq, həm də pul cəzası ödəyəcək.

27 yaşlı oyunçu milli komandada olarkən ölkəsində bir televiziya kanalına verdiyi müsahibədə "Koreyalıların hamısı bir-birinə bənzəyir" deyib.

Bu şərh İngiltərə Futbol Federasiyası tərəfindən irqçi bəyanat kimi qiymətləndirilib.

Federasiya uruqvaylı yarımmüdafiəçini 7 oyunluq cəzalandırıb və 100 min funt sterlinq cərimələyib. Cəzanın ancaq liqada keçərli olacağı paylaşılıb.

Son olaraq isə, Bentankurun komanda yoldaşından üzr istədiyini və aralarında heç bir problem olmadığını açıqlayıb.

Aysel