Bu gün Azərbaycan Premyer Liqasında 13-cü tura yekun vurulub.

Sfera.az xəbər verir ki, turun qapanış matçında lider “Qarabağ” “Zirə”ni qəbul edib.

Oyun meydan sahiblərinin böyükhesablı qələbəsi ilə başa çatıb.

Turun əvvəlki oyunlarının üçündə heç-heçə qeydə alınıb: “Səbail” – “Turan Tovuz” (1:1), “Neftçi” – “Şamaxı” (2:2), “Sabah” – “Kəpəz” (2:2). Yalnız bu gün keçirilmiş “Araz-Naxçıvan” – “Sumqayıt” matç meydan sahiblərinin 1:0 hesablı qələbəsiylə yekunlaşıb.

13-cü tur
10 noyabr

“Qarabağ” – “Zirə” 4:0

Qollar: Mateus Silva, 2. Yassin Benzya, 52-pen. Bəhlul Mustafazadə, 60. Aleksey Kaşuk, 68.
Hakimlər: Fərid Hacıyev, Zöhrab Abbasov, Rəhman İmami, Kamran Əliyev.
Tofiq Bəhramov adına Respublika stadionu, 19:00.