“Qarabağ” “Ayaks”a da məğlub oldu
Bu gün “Qarabağ” Avropa Liqasının Liqa mərhələsində 3-cü tur oyununa çıxacaq.
Sfera.az xəbər verir ki, Ağdam təmsilçisi evdə Niderland “Ayaks”ı ilə qarşılaşacaq.
Tofiq Bəhramov adına Respublika Stadionunda keçiriləcək görüş saat 20:45-də başlayacaq.
Oyunu Şotlandiyadan olan hakimlər briqadası idarə edəcək.
“Qarabağ” hazırda Liqa mərhələsinin turnir cədvəlində 0 xalla 34-cüdür. Qurban Qurbanovun komandası 1-ci turda “Tottenhem”ə (0:3), 2-ci turda isə “Malmö”yə uduzub (1:2).
Aktivində 4 xal olan “Ayaks” isə 8-ci pillədədir.
Avropa Liqası, Liqa mərhələsi, 3-cü tur.
20:45. “Qarabağ” (Azərbaycan) – “Ayaks” (Niderland)
Hakimlər: Nikolas Uolş, Qraeme Stevart, Kalum Spence, Kristofer Qraham (Şotlandiya)
Tofiq Bəhramov adına Respublika Stadionu.
Komandaların start heyətləri:
“Qarabağ”: Koxalski, Abbas Hüseynov, Kevin Medina, Bədavi Hüseynov (k), Elvin Cəfərquliyev, Julio Romao, Marko Yankoviç, Leandro Andrade, Yassin Benzia, Zubir, Juninyo
Ehtiyat oyunçular: Sadiq Məmmədzadə, Fabian Buntiç, Addai, Bəhlul Mustafazadə, Riçard Almeyda, Kaşuk, Musa Qurbanlı, Aleksey İsayev, Toral Bayramov, Patrik Andrade, Nəriman Axundzadə
“Ayaks”: Pasveyer, Xato, Şutalo, Ruqani, Rensx, Teylor, Henderson (k), Fits-Djim, Qodts, Veqhorst, Rasmussen
Ehtiyat oyunçular: Qorter, Ramay, Qoey, Veyndal, Brobbi, Ekpom, Ahmedcan Kaplan, Traore, Van den Boomen, Mokyo, Tahiroviç, Banel
***
Qarabağ" - "Ayaks" (Niderland) oyunu start götürüb.
Qarşılaşma Tofiq Bəhramov adına Respublika stadionunda keçirilir.
Matçı şotlandiyalı baş hakim Nikolas Uolş idarə edir.
***
"Qarabağ" - "Ayaks" (Niderland) oyununda Ağdam təmsilçisinin futbolçusu birbaşa qırmızı vərəqə alıb.
Görüşün 15-ci dəqiqəsində Julio Romao kobud oyuna görə meydandan qovulub.
Matçı şotlandiyalı baş hakim Nikolas Uolş idarə edir.
***
Qonaq komandanın oyunçusu Teylor 36-cı dəqiqədə hesabı açıb: 0 - 1
***
Matçda qonaqlar üstünlüyünü iki topa çatdırıb: 0 - 2
74-cü dəqiqədə Veqorts penalti zərbəsini dəqiq yerinə yetirib.
***
77-ci dəqiqədə Akpom qonaqların üçüncü qolunu vurur - 0:3
***
79-cu dəqiqədə “Qarabağ” meydanda 9 nəfərlə qalır. Elvin Cəfərquliyev ikinci sarı vərəqəni alaraq meydandan qovulur.
