"Bayer Leverkuzen"in baş məşqçisi Xabi Alonso "Liverpul"a keçərsə, mersisaydlılar "Bayer"ə 21 milyon funt sterlinq (24 milyon dollar) məbləğində təzminat ödəyəcəklər.

Sfera.az bildirir ki, "Liverpul" rəhbərliyi Alonsonu cari mövsümün sonunda komandadan ayrılacaq hazırkı baş məşqçi Yurgen Kloppun yerinə əsas namizəd hesab edir.

Xatırladaq ki, daha əvvəl mətbuatda İngiltərə klubunun artıq Alonso ilə əlaqə saxladığı və ona 3 illik müqavilə təklif etdiyi barədə məlumat yayılıb.

Qeyd edək ki, Alonso 2022-ci ilin payızından "Bayer Leverkuzen"in baş məşqçisidir. Cari mövsümün 24 turundan sonra "Bayer" 64 xal toplayaraq birinci yerdə qərar tutub.

Fatimə Lətif