Real Madrid ingiltərəli yarımmüdafiəçi Cud Bellinqhemlə mövcud müqaviləyə yenidən baxacaq. 

Sfera.az bildirir ki, bu qərar Kilian Mbappenin kluba gözlənilən transferi ilə bağlıdır.

Xatırladaq ki, daha əvvəl İspaniya komandasının Mbappe ilə 2029-cu ilə qədər müqavilə imzaladığı bildirilirdi. Belə ki, Mbappenin "Real Madrid" ilə müqaviləsi 2024-cü il iyulun 1-dən qüvvəyə minəcək.

Bir gün əvvəl Kilian PSJ rəhbərliyi ilə görüşüb və klubdan müqaviləni uzatmaq üçün yeni təkliflər verməməyi xahiş edib, çünki o, artıq “Real”la müqavilə imzalayıb.

Cud Bellinqhem isə ötən yaydan "Real"da oynayır. 20 yaşlı ingilis bu mövsüm 29 matçda 20 qol vurub və 8 məhsuldar ötürmə edib.

Fatimə Lətif