\"Milan\" klubu satılır? - Kardinale məsələyə son nöqtəni qoydu
12:17 / 19.02.2024
3664
"Milan"ın sahibi Cerri Kardinale klubun satıla biləcəyi ilə bağlı yayılan xəbərləri təkzib edib.
Sfera.az xəbər verir ki, o, klubu Avropanın zirvəsinə qaytarmaq istədiyini bildirib:
“Mən klubu A Seriyasının və Avropanın zirvəsinə qaytarmaq istəyirəm. Bu məqsədlərə çatmadan dayanmayacağam”.
Kardinale baş məşqçi Piolinin qovulması ilə bağlı yayılan məlumatları da yalanlayıb:
“Müəyyən mərhələdə narazı qalmağım məşqçinin qovulması demək deyil. Düşünürəm ki, Stefano bu çətin vəziyyətdə komanda ilə yaxşı iş görür.
Xatırladaq ki, amerikalı iş adamı 2022-ci ilin iyununda “Milan”ın səhmlərinin əksəriyyətini alıb.
Fatimə Lətif
