“Qarabağ”ın qapıçısı Andrey Lunyovun agenti klubun Avropa Liqasının 1/16 final mərhələsində “Braqa” üzərində qazandığı qələbəni şərh edib.

Sfera.az bildirir ki, agent Anton Smirnov bu barədə “Çempionat”a müsahibə verib.

O, qələbəni sensasiyalı nəticə adlandırıb:

“Düzdür, qarşıda hər şeyin həll olunacağı ikinci matç var. Amma bütün futbol dünyası belə nəticəyə təəccübləndi. Düşünürəm ki, bu, bütün avrokubok günlərində ən sensasiyalı nəticədir. Qarabağ xüsusilə ikinci hissədə, əks hücumlarda nümunəvi  oyun nümayiş etdirdi. Bütün oyun boyu "Braqa"ya qol şansı verilmədi.Çempionatda Avropanın ilk 6 klubu arasında dördüncü yeri tutan komanda ilə səfərdə belə qarşılaşma “Qarabağ”ın yüksək səviyyəsinin göstəricisidir”.

Qeyd edək ki, komandalar arasında cavab oyunu fevralın 22-də Bakıda Tofiq Bəhramov adına Respublika Stadionunda keçiriləcək.

Fatimə Lətif