"Əl-Nəsr"in portuqaliyalı hücumçusu Kriştiano Ronaldonun vurduğu qol sayı "İnter Mayami"nin argentinalı hücumçusu Lionel Messinin qol sayı ilə bərabərləşib.

Sfera.az bildirir ki, bu barədə “Çempionat” məlumat yayıb.

Xatırladaq ki, Ronaldo AFK Çempionlar Liqasının 1/8 final mərhələsində Səudiyyə Ərəbistanının “Əl-Feyxa” klubu ilə ilk oyununda qol vurub. Beləliklə, Ronaldo penaltiləri nəzərə almasaq, karyerasında 713-cü qolunu vurub. Lionel Messinin də eyni sayda qolu var.

Ronaldo ötən ildən "Əl-Nəsr"də çıxış edir. Futbolçunun klubla müqaviləsi 2025-ci ilə qədərdir. Portuqaliyalı əvvəllər "Mançester Yunayted", "Yuventus", "Real Madrid" və "Sportinq"də çıxış edib.

Messi də öz növbəsində 2023-cü ildən "İnter Mayami"nin rənglərini qoruyur. Onun klubla müqaviləsi 2025-ci ilə qədərdir. Argentinalı daha əvvəl PSJ və “Barselona”da çıxış edib.

Fatimə Lətif