"Barselona"nın baş məşqçisi Xavi mövsümün sonunda klubu tərk edəcək.

Sfera.az bildirir ki, o, qərarını komandanın evdə "Vilyarreal"a 5:3 hesablı məğlubiyyətindən sonra açıqlayıb:

"Düşünürəm ki, vəziyyət kursu dəyişməlidir. Klubun dinamik dəyişikliyə ehtiyacı var. Oyunçular təzyiq altında oynayırlar. Mən mövcud situasiyanın davam etməsinə icazə verə bilmərəm".

Qeyd edək ki, "Barselona" bu ayın əvvəlində İspaniya Superkubokunun finalında "Real Madrid"ə məğlub olub, həmçinin Kral Kubokunun 1/4 finalında "Atletik Bilbao"ya uduzub. Xavi, 2022-2023-cü illərdə başçılıq etdiyi ilk mövsümdə "Barselona"nı La Liqa çempionluğuna aparıb və bu yaxınlarda menecer olaraq qalmaq üçün müqaviləni iki illik uzadıb.

Fatimə Lətif