Londonun “Vest Hem” klubu “Mançester Siti”nin oyunçusu Kalvin Fillipsi bu mövsümün sonuna qədər icarəyə götürmək barədə razılığa gəlib.

Sfera.az bildirir ki, bu barədə jurnalist Alan Nikson “X” sosial şəbəkəsində yazıb.

Onun sözlərinə görə, yarımmüdafiəçinin maaşını və bonuslarını “çəkiclilər” özləri ödəyəcək. Fillipsin daimi olaraq London klubuna keçməsi haqqında isə söhbət gedə bilməz. Daha əvvəl "Nyukasl Yunayted"in 28 yaşlı Kalvinlə maraqlandığı bildirilirdi.

Xatırladaq ki, bu mövsüm Fillips turnirlərdə 10 matçda iştirak edib və bir qol vurub. Futbolçunun "Mançester Siti" ilə hazırkı müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 28 milyon avrodur.

Fatimə Lətif