Qus Hidinqdən maraqlı müqayisə: "O, Messinin rus versiyasıdır" - FOTO

Rusiya millisinin sabiq baş məşqçisi Qus Hiddink "Zenit"in sabiq hücumçusu Andrey Arşavinlə Lionel Messini müqayisə edib.

Sfera.az bildirir ki, bu barədə RB Sport məlumat yayıb.

Məşqçi bildirib ki, Arşavin Messinin rus versiyasıdır:

“Əlbəttə, deyə bilərəm ki, Arşavin rusiyalı Messidir! Bu, mütləq və dəqiq müqayisədir. Onunla hər məşqdən və oyundan zövq alırdım. Andrey də Lionel kimi əsil və güclü şəxsiyyətdir!” 

Xatırladaq ki, Arşavin 21-ci əsrdə ilin ən yaxşı futbolçusu mükafatına – “Qızıl top”a namizəd olan yeganə rusiyalı oyunçudur. O, 2008-ci ildə yekun səsvermədə altıncı yeri tutub.

Qeyd edək ki, Hiddink dörd il (2006-2010-cu illər) Rusiya millisinə rəhbərlik edib. Onun rəhbərliyi altında komanda 2008-ci ildə Avropa çempionatına vəsiqə qazanıb, burada yarımfinala yüksəlib və yarışda bürünc medal qazanıb. Hiddink 25 dekabr 2008-ci ildə "bədən tərbiyəsi və idman sahəsində xidmətlərinə görə" "Rusiyanın Əməkdar məşqçisi" adına layiq görülüb.

Fatimə Lətif