"Everton"un sabiq qapıçısı Tim Hovard "Əl-Nasr"ın hücumçusu Kriştiano Ronaldo barədə açıqlama verib.

Sfera.az bildirir ki, qapıçı "Daily Mail"ə Ronaldo barədə xatirələrini bölüşüb:

“Ronaldoya baxanda insanlar ilk növbədə ətir, “McLaren”, “Ferrari”, ev və yaxtaların reklamlarını təsəvvür edir. Ancaq Ronaldo çox sadə və zarafatcıl insan idi. Ən önəmlisi isə o, çalışqan idi. Mən ömrümdə bu qədər səylə məşq edən bir insan görməmişəm”.

Qeyd edək ki, Ronaldo bu mövsüm "Əl-Nasr"ın heyətində 26 oyun keçirib. O, 24 qol vurub və 11 məhsuldar ötürmə edib. Futbolçunun Səudiyyə klubu ilə müqaviləsi 2025-ci ilin iyun ayının sonuna qədər qüvvədədir.

Transfermarkt internet portalına görə, futbolçunun təxmini dəyəri 15 milyon avrodur.

Fatimə Lətif