“Qurban Qurbanova minnətdaram”

“Qurban Qurbanova minnətdaram”

“Qarabağ”ın yeni transferi Aleksey İsayev klubun rəsmi saytına müsahibə verib.

 

Sfera.az xəbər verir ki, 28 yaşlı yarımmüdafiəçi keçidi, hədəfləri və yeni komandası barədə fikirlərini bildirib.

 

- Yeni – 2024-cü ilin ilk günləri sizin transferinizlə əlamətdar oldu. “Sabah”dan “Qarabağ”a keçidi necə dəyərləndirirsiniz?

 

- “Qarabağ”a keçid mənim üçün irəli atılan addımdır. Buna görə xoşbəxtəm. Düşünürəm ki, “Qarabağ”a keçən hər bir futbolçu irəli addım atır.

 

- Əvvəl rəqib olduğunuz, indi heyətində yer aldığınız yeni komandanız barədə fikirləriniz necədir?

 

- “Qarabağ” Azərbaycanın ən yaxşı komandasıdır. Həmişə öz oyun üslubunu nümayiş etdirir. Komanda baxımlı oyun və hücum futbolu göstərir.

- 10 qat ölkə çempionu, ardıcıl 10 il avrokubokların qrupunda oynayan bir komandaya keçdiniz. Azərbaycan futbolunun liderinin futbolçusu olmaq necə hissdir?

 

- Xoşbəxtlik hissləri keçirirəm. Ola bilər ki, bu hisslərimi sözlə ifadə edə bilmirəm, amma daxilimdə həqiqətən də xoşbəxtəm. Komandamızın maksimal nəticələr göstərməsi üçün meydanda hər şeyi edəcəyəm.

 

- Artıq “Qarabağ”da məşqlərə başlamısınız. Sizin üçün yeni komanda, yeni kollektivdəsiniz. Təəssüratlarınız necədir?

 

- Məşqdən öncə baş məşqçimiz Qurban Qurbanov komanda qarşısında mənə xoş sözlərlə uğurlar arzuladı. Belə isti qarşılanma üçün ona minnətdaram. Azərbaycan futbolunu hər dəfə daha bir pillə irəli aparan mütəxəssis barədə yalnız ən yaxşı sözləri demək olar. Məşq barədə sadəcə müsbət təəssüratlarım var. Futbolçuların hamısı yüksək insani keyfiyyətlərə malik böyük peşəkarlardır. Onların əksəriyyətini şəxsən tanıyıram. Məni əla qarşıladılar, çox xoş oldu. Digərləri ilə daha yaxın tanışlıq üçün vaxtımız olacaq.

 

- “Qarabağ” daim ən yüksək hədəflər uğrunda mübarizə aparır. Bəs, sizin komandadakı hədəfləriniz nədir?

 

- Mənim də hədəflərim klubumuzla eynidir. Ən yüksək hədəflər uğrunda mübarizə aparmaq istəyirəm. Özümdə olan, amma görünməyən potensialımı addım-addım inkişaf etdirməliyəm. Mən də buna mütləq nail olacağam.

 


OXŞAR XƏBƏRLƏR

Bakıda daha bir nəfər spirtdən ÖLDÜ

Bakıda daha bir nəfər metil spirtindən zəhərlənərək ölüb.   Sfera.az bildirir ki,  Lent.az-ın əldə etdiyi məlumata görə, hadisə Nizami...

Qanunsuz ov ətləri ilə bağlı restoranlara son xəbərdarlıq

Qanunsuz ov ətlərinin istifadəsi və satışı ilə bağlı restoranlara son xəbərdarlıq edilib.   Bu barədə Sfera.az-a IDEA İctimai Birliyindən məlumat ver...

Havanın temperaturu 30 dərəcəyə yüksələcək

Yaxın günlərdə ölkə ərazisində havanın temperaturu daha da yüksələcək.   Sfera.az xəbər verir ki, bunu Milli Hidrometeorologiya Xidmətinin Hidro...

ABŞ-dən Ermənistan və Azərbaycana çağırış: "Sülh sazişini tezliklə imzalayın"

ABŞ administrasiyası Ermənistan və Azərbaycan arasında sülh sazişi üzrə danışıqların başa çatmasını alqışlayır.   Sfera.az xəbər verir ki, bu barədə ...

Paşinyan Putini razılaşdırılmış sülh sazişi barədə məlumatlandırıb

Rusiya Prezidenti Vladimir Putinlə Ermənistanın baş naziri Nikol Paşinyan arasında telefon danışığı olub.   Sfera.az xəbər verir ki, bu barədə Erməni...

"Sovetski" tamamilə söküləcək? - Komitə sədrindən açıqlama

“Doğrudur, hələ də bəzi hissələr var ki, orada evlər qalmaqdadır. Bu gələcəldə investorların marağından asılıdır. Maraq olarsa, onlarla da bağlı iş görülə...