Azərbaycan çempionatı: "Qarabağ" "Qəbələ" ilə üz-üzə gələcək
![Azərbaycan çempionatı:](https://sfera.az/photo/orginal/2023/12/04/1701670753_1701666642.1633248333_4997544.jpg)
Futbol üzrə Azərbaycan Premyer Liqasında XV tura bu gün yekun vurulacaq.
Sfera.az xəbər verir ki, sonuncu matçda "Qarabağ" "Qəbələ"ni qəbul edəcək.
Tofiq Bəhramov adına Respublika Stadionunda reallaşacaq qarşılaşma saat 19:30-da başlayacaq.
Görüşü Tural Qurbanov idarə edəcək. "Köhlən atlar" 29 xalla liderdir. "Qırmızı-qaralar" isə 11 xalla 9-cu pillədə qərarlaşıb.
Azərbaycan Premyer Liqası
XV tur
19:30. “Qarabağ” – “Qəbələ”
Hakimlər: Tural Qurbanov, Cəmil Quliyev, Zöhrab Abbasov, Rəşad Əhmədov.
Hakim-inspektor: Ömər Paşayev.
AFFA nümayəndəsi: Elgiz Abbasov.
Tofiq Bəhramov adına Respublika Stadionu
Qeyd edək ki, turun əvvəlki oyunlarında "Neftçi" "Zirə"ni (1:0), "Sabah" "Kəpəz"i (2:0) məğlub edib. "Araz-Naxçıvan" - "Səbail" (1:1) və "Turan Tovuz" - "Sumqayıt" (2:2) qarşılaşmaları heç-heçə yekunlaşıb.